اسم الوصفة : الاكلير الفرنسي

مقدمة من : حبات الندى

مدة التحضير : 30 دقيقة

مدة الطهي : 40 دقيقة

المكونات:

1- كاس ماء او حليب

2- كاس طحين

3-نص كاس زيت نباتي او زبدة

4- نص ملعقة صغير ملح

5- ظرف فانيليا

6- بيض 4

الطريقة :

نحط بطنجرة عالنار المي والزبدة و الملح وبنتركهن يغلو وتدوب الزبدة وقت تبدأ تغلي بنضيف الطحين والفانيليا مرة وحدة وبنقلب بسرعة حتى تتجانس ويتشكل عنا عجينة متماسكة منقلبها لوقت تبدا تلزق بالطنجرة

منقلها على طبق تاني ونحركها ليطلع البخار منها وتبرد شوي 

نبدأ نضيف البيض بيضة بيضة بالتدريج ونقلب لتختفي وتمتزج مع العجينة تماما بضيف التانية والثالثة والرابعة بنفس الطريقة كل وكدة منضيفها لازم تختفي تماما بتكون العجينة صارت جاهزة

منعبيها بكيس حلواني مع قمع مزخرف حجم وسط اصابع او وردات انا عملت الاتنين منترك فراغ بين الحبات لانها بتنفش و بيتضاعف حجمها بالفرن .....

منكون محمين الفرن على حرارة 190 بدخلها عالفرن الرف الوسطاني 

حتى ياخدو لون ذهبي غامق ويطلعو مقرمشين وفاضيين بدون تعجين 

لازم ينخبزو بحرارة وسط لفترة كافية حتى مايهبطو بياخد وقت تقريبا 40 دقيقة ملاحظة: مالازم نفتح الفرن اثناء الخبز 

بس اخدو اللون منطلعهن بنتركهن يبردو بالصينية تماما

محضر الحشوة حسب الرغبة كاسترد او كريمة او كريم الباتسيير انا حطيت كاسترد بالشوكولا

منغطس الوجه بشوكولا سوداء او بيضاء او عملت الغناش ليعطي لمعة لوجه الاكلير وزينو باللؤلؤ وبنخليها تبرد منيح بالبراد 

ممكن نرشه سكر بودرة كمان بدل الشوكولا بعدين بتكون صارت جاهزة وصحة وهنا

حبات الندى

الريس قسم المطبخ مها محمد

إرسال تعليق

 
Top