طريقة شهية لعمل الكوكيز بحشوه جوز الهند

كوكيز بحشوه جوز الهند
وصفه سهله ولذييييذه والأطفال والكبار بيحبوها ومغذيه للولاد فى المدرسه
مقدمه من : اميره الشرقاوى
مده التحضير : نص ساعه
مده الطهى : 15 دقيقه

المقادير :
2كوب دقيق
1كوب سمنه أو زبده بدرجة حرارة الغرفة
3/4 كوب سكر ناعم حبيبات
معلقتين عسل اسود
2 بيضه
3ملاعق كاكاو محلى
2 ملعقه سكر بودره
نصف كوب جوز هند
رشه ملح
ملعقه صغيره ممسوحه بيكربونات الصوديوم
رشه فانيليا

الطريقه :

 نخلط العسل الأسود مع السكر حتى يصبح سكر بنى أو ممكن استخدام سكر بنى جاهز أن وجد. 

نخلط السمنه مع السكر البنى ونضربهم لمده 7 دقايق ثم نضيف بيضه وصفار البيضه التانيه ونترك البياض جانبا مؤقتا ثم بعد ضرب السمنه والسكر والبيض والفانيليا ننزل عليهم بالكاكاو المحلى ونخلطهم جيدا حتى يصبح خليط من الشوكولاته غنى نخلط الدقيق مع البيكنج بودر والملح وبيكربونات الصوديوم ونقلبهم كويس وننزل بيهم على خليط الشوكولاته شويه بشويه ونلم العجينه بتاعتنا بدون عجن. 

نجهز الحشوه : نخلط بياض البيضه المستبعد سابقا مع معلقتين سكر بودره ونقلبهم كويس ونضيف ليهم نص كوب جوز الهند ونقلب كويس كده جهزت الحشوه. 

نأخذ قطعه من الكوكيز ونحشيها بكوره صغيره من حشوه جوز الهند ونقفلها كويس ونرصها على صنيه مفروشه ورق زبده وندخلها الفرن على درجه حراره 180 لمده 10 إلى ربع ساعه وبعد ما تبرد نزينها بالشوكولاته المذابه وتقدم بالف هنا.