اسم الوصفة: الرقاق وصينية الرقاق
مقدمة من الشيف: هبة عادل
مدة التحضير: ساعة
مدة الطهى: ساعة
المقادير:
لعجينة الرقاق:
كوب دقيق
رشة ملح
م ك زيت
ماء دافىء على حسب العجين
الطريقة:
نعجن المقادير كويس اوى لحد ماتبقى عجينة ناعمة ونسيبها ترتاح ساعة
نبرمها كدة زى الصورة ونقطعها ع 6 حتت وناخد حتة حتة نكورها ونرش دقيق فوقها وتحتها ونفردها بالنشابة رفيعة ونحطها ع جنب
وبعدين نجيب صينية ع النار ونحط واحدة واحدة من غير زيت ولا حاجة ولما تطلع فقاقيع نقلب ع الناحية التانية ونشيلها نسيبها برة علشان تنشف وتقرمش وهكذا لحد مانخلص كله الكور بتاعتنا
لصينية الرقاق:
المقادير:
كوب شوربة
لحمة مفرومة معصجة
الرقاق
قشطة للوجه
الطريقة:
ناخد الرقاق نحطه ف الشوربة ف طبق واسع ونشيله نحطه ف الصينية انا هنا حطيت 3 رقاقات تحت وبعدين اللحمة وبعدين 3 رقاقات فوق وحطيت باقى الشوربة ودهنت الوش قشطة وقطعتها ودخلتها الفرن وبجد كان طعمه جميل
طبعا ممكن تكتروا الكمية براحتكم انا علشان الصوانى اللى عندى هنا رفيعة بتاعة البيتزا عملتها رفيعة
إرسال تعليق