اكوب البيض
cup eggs
الووووو حد صاحي ولا اخد الcup eggs بتاعتي وامشي ايه رئيكو في شكلها بصو بقا خلينا علي طبيعتنا دي اسمها عجه بس متنكره وعمله نفسها بنت ناس يلا نقول
المكونات
سهله وبسيطه ومش مكلفه وتنفع للاولاد في العشا
المكونات
سهله وبسيطه ومش مكلفه وتنفع للاولاد في العشا
خمس بيضات
بصله مفرومه
سوسيس شرايح
معلقه كبيره صوص باربيكيو
فلفل اخضر مكعبات
جبنه شيدر مبشوره
ربع كوبايه لبن
معلقه بيكنج بودفلفل اسود زعتر ملح قليل
معلقه كبيره دقيق
خلاص كده عرفنا المكونات هنعملها ازاي بقاهتجيبي طاسه وتشوحي البصله في شويه زيت صغننين وبعدين ضيفي السوسيس والفلفل الاخضر وزعتر وفلفل اسود وملح بسيط ومعلقه الباربيكيو خلصتي تشويح اقفلي عليهم بقا واركني علي جنب هاتي بقا بوله وحطي فيها البيض ومعاه اللبن والبيكنج بودر والدقيق وفلفل وشويه جبنه وقلبي كويس روحي بقا هاتي صنية الكب كيك حطي في كل وحده شويه من خلطه البصل اللي عملناها الاول وبعدين صبي عليها البيض وعلي الوش الجبنه الشيد وجري علي الفرن سبيها لحد ما تستوي واختبريها بسكينه استوت خلاص امممم تحفه ايه رئبكو جربوها بقا وقولولي رئيكو يلا بااااي اشوفكو في وصفه جديده وسهله
إرسال تعليق