اسهل تشيز كيك بالزبادي والكورن فلكس

ومن غير جبنه يميييي احنا اتفقنا هنقلل الدهون في اكلنا مش كده يلا ورايا علي المطبخ نعرف 

المكونات

2كيس كريم شانتيه لايت
2كوبايه لبن خالي الدسم
علبتين زبادي لايت
2كيس جيلي اي نوع بتحبيه ومعاه كوبايه مايه دافيه عشان تدوبيه فيه
بسكوت ساده مطحون
لوز مطحون بحب اللوز انا اوي متقلقيش منه لو بتعملي رجيم

تعالو بقا للطريقه
اول حاجه هنضرب البسكوت مع اللوز ضربا مبرحا ونحط عليه معلقتين جيلي ونقلب التكه دي بدل الزبده عشان البسكوت يمسك في بعضه وميفكش حطيه في صنيه التارت لو معندكيش ولا يهمك صنيه الومنيوم وبطنيها بكيس بلاستك عشان تعرفي تطلعيها بعد كده تعالي بقا للكريمه هنضرب الكيسين مع اللبن بالمضرب من غير سكر خلصنا ضرب خلاص تعالي بقا للجيلي سيحيه في كوبايه مايه وحطي عليه علبتين الزبادي اللايت متنسيش عايزين نبقا سمبتيك ونضربهم برضو كلو ضرب ضرب انهرده ‏‎‎‏وبعدين نصبهم فوق الكريم شانتيه اللي ضربناوخلصنا عليه ونقلب بقا بخفه وحنيه اصلهم صعبو عليا من كتر الضرب روحي هاتي بقا صنية البسكوت اللي في التلاجه وصبي عليها المضروبين كلهم وحطي بقا علي الوش الكورن فليكس وممكن اي صوص علي الوش ودخليها التلاجه حلو كده سهله مش كده جربوها خفيفه وبسبطه وطعمها حلو يلا باااي اشوفكو في وصفه جديده مفيهاش ضرب
‎‏ 

إرسال تعليق

 
Top