اسم الوصفه كيكه
مقدمه الوصفه شيف ليلي جادو
مده التحضير 10 دقيقه
مده الطهي 45 دقيقه
المكونات
.. 5 بيضات
كوب الا ربع زيت علي سمنه
كوب خليط من لبن رايب علي لبن بودره علي ميه
كوب سكر
معلقتين نسكافيه
فانيليا
معلقه خل ..
الطريقه
.المكونات نضعها كلها في الخلاط وبعد الضرب ينزلو في بوله ويتحط معلقه من محسن الكيك ونكمل ضرب بمضرب سلك او كهرباء .....النواشف بقي لازم ننخلها مع بعض مرتين هي ....كوب دقيق بسبوسه ...كوب خليط من الدقيق الابيض والنشا والكاكاو الخام وعليهم بيكنج بودر وبيكنج صودا .ذره ملح ....وننزل بيهم حبه ونقلب بمعلقه خشب،حبه كمان ونقلب توضع في صينيه او قوالب مدهونه ومرشوشه دقيق تدخل فرن سابق التسخين .النص ساعه الاولي منفتحش الفرن ونختبر التسويه بخله استوت نسبها جوة 5 دقيقه تخرج نسقيها بسيط بسيرب ...مقداره كوب سكر نص ميه عصره ليمون لما الميه والسكر يغلو نحط نص ليمونه 5 ،دقيقه ونطفي ..ويبرد نسقي بيه الكيكه بس مش نغرقها عشان تبقي منفوشه وخفيفه .....الصوص ...تاليفه من افكاري ..تمن كيلو من شيكولاته خام ...جبت حله وحطيت كوبايه ميه ومعلقتين كبار كاكاو خام ومعلقه كبيره نسكافيه ومعلقتين كبار لبن بودره وسيرب من ايلي انا عملاه حوالي معلقتين كبار وكل ده قلبته علي النار ماعدا الشيكولاته الخام دي حطيتها بعد السائل غلي ساحت الشيكولاته رحت مدوبه معلقه نشا كبيره في حبه ميه ونزلتها علي الخليط بقيت عامله زي المهلبيه بردت نزلتها علي قالب الكيك وحولين الكيك والباقي حطيته في طبق لوحده والصوص والكيكه دي مقاديري من بنات افكاري بس الطعم طلع واووو يارب حد يطبقها عشان افرح ببنات افكاري ههههه والف هنا
إرسال تعليق