تارت موس الشوكولا من مطبخ اميرة

تارت موس الشوكولا
مقدمه من الشيف :اميره الشرقاوى
حلو سهل وسريع وشيك جدا فى التقديم للضيوف فى الأعياد والمناسبات
مده التحضير : 20 دقيقة
مده الطهى : 10 دقائق

المقادير :
الطبقه الأولى :
200 جرام بسكويت ساده أى نوع تحبوه
100 جرام زبده
الطبقه الثانيه :
3 كوب لبن
4 ملاعق كبيره كاكاو
4 ملاعق كبيره لبن بودره
كيس كريم شانتيه
100 جرام شوكولاته خام
2 باكو كريم كراميل البودره فقط
ملعقه نشا (اختيارى )

الطريقه : 

أولا نطحن البسكويت ونضيف له الزبده سايحه ونخلطهم جيدا ونفرده فى صينيه تكون بتتفتح علشان تبقى سهله خروج التارت منها وندخلها الثلاجة نص ساعه. 

نضع اللبن فى وعاء الطهى ونضيف ليه المكونات التانيه كلها ماعدا الشوكولاته الخام ونقلبهم على البارد ونحطهم على النار وتسيحى الشوكولا لوحدها على حمام ماءى ونضيفها الخليط وأول مايغلى الخليط ويغلظ القوام بتاعه نسكبه فوق البسكويت وندخله الثلاجة على الأقل 4 ساعات ولما تجمد نطلع التارت من الصينيه ونزينها بالشوكولا المذابه أو أى طريقه تحبيها وبالهنا والشفا